Max Stahl no futuru CAMSTL nian

Iha loron 1 fulan-Dezembru, Parlamentu Nasionál Timor-Leste nian (PN) estabelese tiha Prémio Liberdade de Expressão Max Stahl, liuhosi Rezolusaun nr. 25/2021 (haree iha-ne’e no iha-ne’e).

Prémiu ne’e sei fó ba sidadaun timoroan ka malae sira, ka ba ONG no organizasaun seluk, no mós ba serbisu individuál ka koletivu, liuliu iha área jornalizmu, literatura, peskiza sientífiku ka audiovizuál iha Timor-Leste hodi rekoñese ninia kontribuisaun ba promosaun, habelar no defeza liberdade espresaun nian, prezervasaun memória luta ukun rasik an nian no koñesimentu kona-ba istória Timor-Leste nian. Ho Rezolusaun ne’e, Timor-Leste hatudu ninia respeitu ba memória no ezemplu Max Stahl nian.

Maibé Timor-Leste presiza mós tau matan ba no prezerva Max Stahl nia obra no knaar kolaboradór sira-nian iha Centro Audiovisual Max Stahl Timor-Leste (CAMSTL). Bainhira Max Stahl hakotu iis, jurista sira iha Gabinete Primeiru-Ministru foin analiza transformasaun CAMSTL nian ba institutu públiku (instituto público, I.P.) (haree iha-ne’e).

CAMSTL no Universidade Coimbra (UC) kria tiha parseria ida iha tinan 2019. Liuhosi parseria ne’e UC sei harii imajen-lalenok (mirror-image) husi arkivu CAMSTL nian iha sira-nia servidór (haree iha-ne’e).

Peskizadór sira labele tama arkivu CAMSTL oras ne’e daudaun liuhosi UC (iha-ne’e). Link ba baze-dadus orijinál iha Dili ne’ebé CAMSTL fó iha tempu kleur ona la ativu, pelumenus ba utilizadór ne’ebé seidauk rejistadu. 

Maski difikuldade asesu ne’ebé refere temporáriu karik no relasiona ho rezolusaun estatutu jurídiku CAMSTL nian, importante ba arkivista no istoriadór sira ne’ebé iha interese ba kestaun hotuhotu ne’ebé relasiona ho Timor-Leste  atu tau matan ba buat hotu ne’ebé akontese ho CAMSTL hodi garante katak buat hotu ne’ebé Max Stahl halolo ba futuru moris nafatin.

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão /  Alterar )

Google photo

Está a comentar usando a sua conta Google Terminar Sessão /  Alterar )

Imagem do Twitter

Está a comentar usando a sua conta Twitter Terminar Sessão /  Alterar )

Facebook photo

Está a comentar usando a sua conta Facebook Terminar Sessão /  Alterar )

Connecting to %s