Hanoin hikas kona-ba ‘Atu Integrasaun’ Timor-Leste nian, 1976

Iha loron 31 fulan-Maiu 1976, Sporting Clube iha Dili sai fatin ba votasaun kona-ba integrasaun Timor-Leste nian iha Repúblika Indonézia. Foin daudaun, Sr. César Gaio simu konsesaun ba restaurante Sporting nian. Nia iha planu ida atu organiza eventu tinan-tinan iha ne’ebá hodi hanoin-hikas kona-ba ‘Atu Integrasaun’ ne’ebé akontese tiha iha 1976 iha fatin ne’e. Iha tinan 2021 eventu sei hala’o liuhosi Zoom tanba pandemia. Eventu ne’e sei organiza ho apoiu husi Dr. Helen Hill. 

Oradór-bainaka sira mak Hamish McDonald, eis-jornalista ne’ebé halo reportajen kona-ba sorumutu iha 1976; Domingos Oliveira, eis-Sekretáriu-Jerál UDT nian ne’ebé serbisu nu’udar durubasa iha sorumutu ne’e; Pedro Lebre, durabasa ida tan iha sorumutu ne’e; David Webster, husi Bishop’s University (Kanadá) no koordenadór Timor International Solidarity Archive (TiSA) nian; Hugo Fernandes, Diretór Ezekutivu Komisaun Nasionál Chega! nian; Maire Leadbeater, husi movimentu solidariedade ho Timór iha Aotearoa Nova Zelándia; no Peter Job ne’ebé sei diskute aspetu oinoin husi sorumutu 1976 nian. Partisipante sira-seluk hetan mós biban atu partisipa iha diskusaun ne’e.

Iha dokumentu ruma kona-ba eventu 1976 ne’ebé organizadór sira tau tiha iha grupu LinkedIn Timor-Leste Studies Association (Kapítulu Dili) nian. Dokumentu sira-ne’e di’ak tebes atu hatene kontestu istóriku no prepara ba diskusaun. Partisipante sira ne’ebé membru rede LinkedIn nian sei hetan dokumentu hirak-ne’e iha ne’e.  Fatin internet History Beyond Borders (http://historybeyondborders.ca/) ne’ebé organizadu hela husi Bishop’s University ho apoiu husi instituisaun oioin Kanadá nian sei tau mós dokumentu lubun ida kona-ba ‘Atu Integrasaun’ 1976 nian iha-ne’e. Dokumentu sira-ne’e interesante tebes.

(husi: TLSA nia mailing list)

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão /  Alterar )

Google photo

Está a comentar usando a sua conta Google Terminar Sessão /  Alterar )

Imagem do Twitter

Está a comentar usando a sua conta Twitter Terminar Sessão /  Alterar )

Facebook photo

Está a comentar usando a sua conta Facebook Terminar Sessão /  Alterar )

Connecting to %s