CNC hala’o nafatin programa identifika fali fatin istóriku sira

Relasiona ho komemorasaun Masakre Suai nian ba dala 21 (6 fulan-Setembru 1999, ‘Setembro Negro’), Hugo Fernandes, Diretór Ezekutivu Centro Nacional Chega! (CNC), fó hatene katak programa CNC nian atu identifika fatin istóriku sira la’o nafatin (haree iha-ne’e).

Hugo Fernandes esplika katak CNC fahe fatin istóriku ba kategoria haat tuirmai: (1) fatin sira iha-ne’ebé masakre akontese; (2) fatin sira ne’ebé uza nu’udar dadur ka fatin interrogatóriu;  (3) fatin sira iha-ne’ebé ema organiza manifestasaun hodi ezije ukun rasik an; (4) fatin sira ne’ebé sai abrigu (ka uma-helik) ba Rezisténsia Armada. 

Diretór Ezekutivu  hatete katak CNC remata tiha identifikasaun fatin istóriku sira iha munisípiu neen maka Dili, Aileu, Ainaru, Ermera, Manatuto no Baukau. Iha munisípiu ne’e halo sorin balun de’it tanba la konsege mobiliza dotasaun orsamentu ho razaun katak surtu COVID-19 mosu. Iha Dili laran, CNC nia servisu la’o maka’as iha fatin hamutuk 21.

Objetivu maka harii memoriál ki’ikoan iha fatin sira-ne’e hodi hanoin filafali no la haluha ema ne’ebé iha ligasaun ho fatin hirak-ne’e. Aban bainrua bele uza memoriál sira-ne’e hodi hala’o komemorasaun ba akontesimentu sira ne’ebé akontese iha-ne’ebá. 

Hugo Fernandes fó-hatene mós katak Prezidénsia Repúblika husu CNC atu hato’o projetu ida ba memoriál iha Palásiu Nobre, iha Lahane.

Relasiona ho kategoria ‘abrigu Rezisténsia Armada’, Hugo Fernandes lembra katak Arkivu no Muzeu Rezisténsia Timorense (AMRT) mak kaer kompeténsia atu klasifika sira nu’udar fatin istóriku.

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão /  Alterar )

Google photo

Está a comentar usando a sua conta Google Terminar Sessão /  Alterar )

Imagem do Twitter

Está a comentar usando a sua conta Twitter Terminar Sessão /  Alterar )

Facebook photo

Está a comentar usando a sua conta Facebook Terminar Sessão /  Alterar )

Connecting to %s