Rezisténsia: naran-sarani, naran-uma nian, naran-funu, naran-kódigu

Iha artigu ne’ebé harekek tiha tinan 2013 ba Festschrift Panel ne’ebé fó-onra ba Helen Hill nia serbisu akadémiku, Clinton Fernandes gaba ninia estudu dahuluk kona-ba kontestu no hanoin lideransa FRETILIN sira-nian no hatete katak “peskiza ne’ebé bele sai produtivu tebes mak análize biográfiku kompletu kona-ba membrus na’in-46 husi Komité Sentrál FRETILIN nian ne’ebé mate tiha”. Nia inklui lista ho membrus sira-ne’e iha parte ikus artigu nian. (Clinton Fernandes, ‘‘Populist Catholics’: Fretilin 1975’, TLSA Proceedings 2013, pp. 258-264, iha-ne’e

Maibé tempu sei la’o no neineik-neineik ema ne’ebé hatene diretamente ‘jerasaun 1975’ uitoan liu. Tanba ne’e, identifikasaun no uzu fonte istórika sira aumenta ba daudaun. Análize fonte hirak-ne’e buat ida ne’ebé importante tebes atu komprende kontestu, knaar no motivasaun sira, la’ós de’it husi lider FRETILIN sira, tuir Fernandes nia sujestaun, maibé mós husi grupu luan liu ne’ebé inklui komandante FALINTIL sira, kuadrus médius no membru sira-seluk husi Rezisténsia ne’ebé hala’o papél oioin ne’ebé importante ba funu libertasaun.

Bainhira analiza fonte sira-ne’e, peskizadór sira sei hasoru difikuldade ruma tanba seidauk hatene ho klean estrutura no organizasaun Rezisténsia nian iha períodu no rejiaun oioin. Difikuldade sira-seluk tanba membrus Rezisténsia uza beibeik naran-uma nian, naran-funu, naran-kódigu iha sira-niadokumentus. Tanba laiha sistema hakerek ba naran sira-ne’e tuir banati ida de’it, difikuldade ne’ebé refere aumenta ba daudaun. 

AMRT publika tiha lista rua kona-ba naran sira-ne’e no sigla/akrónimu atu tulun peskizadór sira. Lista hirak-ne’e hasai husi dokumentu sira Rezisténsia nian ne’ebé rai tiha iha ne’ebá (haree iha-ne’e no iha-ne’e). 

Fonte informasaun seluk ne’ebé di’ak tebes mak Dekretu Prezidente Repúblika nr. 51 to’o  56/2006 ne’ebé define tiha postu no kargu iha Rezisténsia laran no fó Orden oioin ba membrus Rezisténsia ne’ebé moris nafatin ka mate tiha (haree iha-ne’e).

Casa dos Timores prepara ona índise ida ho naran sira ne’ebé Dekretu sira refere (haree iha-ne’e). Karik índise ne’e sai buat ida ne’ebé peskizadór sira bele uza bainhira haree hamutuk referénsia ba naran sira iha dokumentu Rezisténsia oioin.

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão /  Alterar )

Google photo

Está a comentar usando a sua conta Google Terminar Sessão /  Alterar )

Imagem do Twitter

Está a comentar usando a sua conta Twitter Terminar Sessão /  Alterar )

Facebook photo

Está a comentar usando a sua conta Facebook Terminar Sessão /  Alterar )

Connecting to %s