Konferénsia Jogjakarta, fulan-Dezembru 1957

Timor-Leste no Indonézia rai rua ne’ebé la hanesan. Bainhira rai rua-ne’e hetan independénsia, sira-nia situasaun mós la hanesan. Maski nune’e, ita bele hetan aspetu ruma ne’ebé hanesan bainhira ita haree kestaun istória nasionál no oinsá hakerek istória ne’e.

Bainhira kolonizasaun olandés hakotu tiha iha Indonézia (entre Proklamasi Independénsia Indonézia nian iha tinan 1945 no ninia rekoñesimentu husi rai-Olanda iha 1949, rai ne’e hasoru funu ida no revolusaun sosiál), iha de’it ema na’in-rua ka -tolu ne’ebé hetan treinamentu nu’udar istoriadór. Dezde tempu proklamasaum Repúblika, ema barak sente katak presiza hakerek istória rai ne’e husi perspetiva Indonézia nian, la’ós iha nível akadémiku de’it maibé mós ba manuál eskolár sira. Maski nune’e, istória la sai prioridade durante dékada dahuluk independénsia nian. 

Iha dékada ne’e nia laran iha debate oioin kona-ba tópiku ne’e. Ema balun hatete katak tenke uza istória hodi hametin identidade nasionalista. Ema seluk dehan katak peskiza istórika tenke hala’o ho liberdade intelektuál no tenke tau matan ba aspetu multikulturál rai-Indonézia nian.

Iha fulan-Dezembru 1957, Universidade Gadjah Mada, Universidade Indonézia nian no Ministériu Edukasaun no Kultura organiza konferénsia ida iha Jogjakarta (Yogyakarta) atu diskute kestaun ne’e no haburas peskiza istóriku no hakerek istória husi Indonézia-oan.

Tópiku ida ne’ebé konferénsia ne’e diskute mak “konseitu filozófiku istória nasionál nian”. Ema boot no intelektuál na’in-rua husi Repúblika, mak Mohammad Yamin no Soedjatmoko, hato’o sira-nia hanoin ne’ebé la hanesan kona-ba tópiku ne’e. Diskursu Soedjatmoko nian bele hetan iha-ne’e ho tradusaun ba lia-inglés no prefásiu husi George Kahin.

Partisipante sira-seluk nia komunikasaun sei halibur iha livru ida. Livru ne’e ho tradusaun ba lia-inglés bele hetan iha-ne’e:. Iha tempu ne’ebá, kapítulu sira kona-ba fonte istóriku mak matadalan kompletu liu kona-ba fonte primáriu sira ba istória Indonézia nian.

Konferénsia Jogjakarta nian iha tinan 1957 bele sai nu’udar estímulu no ezemplu ba instituisaun akadémiku sira no arkivu sira Timor-Leste nian atu hahú serbisu ne’ebé nesesáriu hodi promove dezenvolvimentu estudu istóriku sira iha rai laran.

Imagem: “An Introduction to Indonesian Historiography”, edited by Soedjatmoko.

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão /  Alterar )

Google photo

Está a comentar usando a sua conta Google Terminar Sessão /  Alterar )

Imagem do Twitter

Está a comentar usando a sua conta Twitter Terminar Sessão /  Alterar )

Facebook photo

Está a comentar usando a sua conta Facebook Terminar Sessão /  Alterar )

Connecting to %s