Casa dos Timores, 1974

Casa dos Timores mak fatin no movimentu ida ne’ebé ezije independénsia ba Timor-Leste husi Portugál nia ukun koloniál. 

Casa dos Timores nia hun mak Casa de Timor, fatin ida ne’ebé ema portugés lubun ida ho ligasaun ho Timór estabelese tiha no Governu Portugál nian rekoñese loron 26 fulan-Janeiru 1974. Uma ida-ne’e mak rezultadu ikus liu husi inisiativa oioin ne’ebé rejime Estado Novo  hala’o tiha no ikus mai hamosu Casa dos Estudantes do Império, uma ida ne’ebé simu estudante sira husi kolónia portugés Áfrika nian hafoin 1948. Casa de Timor nia fatin iha Rua Antero de Figueiredo nr. 2, iha Lisboa. Uma ne’e nia objetivu atu sai sentru kulturál no informasaun ba estudante timoroan sira no Timór sira-nia belun iha Portugál. 

Estudante timoroan lubun ida ne’ebé estuda iha Portugál iha tempu ne’ebá (Abílio Araújo, Vicente Reis ‘Sahe’, Hamis Bassarewan ‘Hata’ , António Carvarino ‘Mau Lear’ no Justino Yap) lakohi simu Casa de Timor. Sira hatene ona kona-ba polítika no hetan influénsia husi ideolojia movimentu libertasaun sira kolónia Portugál nian iha Áfrika. Sira hanoin katak fatin ne’e mak fatin ida ne’ebé kolonialista no deskonfia katak iha mós bufa-na’in balun husi polísia polítika Portugál nian (PIDE/DGS) iha ne’ebá.

Hafoin Revolusaun 25 fulan-Abril 1974, estudante sira-ne’e okupa tiha fatin ne’e (6 fulan-Maiu 1974 ne’ebé sira hanaran Casa dos Timores (Casa Comum, Arquivo da Resistência Timorense, Pasta: 11008.048, [konsulta 06-06-2020]). Abílio Araújo sai ninia Prezidente no António Carvarino ninia Diretór.  

Iha Asembleia-Jerál ida iha fulan-Juñu 1974, Casa dos Timores aprova tiha Deklarasaun Prinsípiu sira no hato’o ezijénsia ruma ne’ebé sai referénsia importante ba Rezisténsia iha tinan sira tuirmai.

Casa dos Timores sai nu’udar fatin haksesuk no fatin ba aprendizajen polítiku ba estudante timoroan sira ne’ebé hela iha Portugál iha tempu ne’ebá. 

Casa dos Timores publika dokumentu oioin, edukasaun no tópiku sira-seluk. Dokumentu balun ne’e bele haree iha ne’e:  (CIDAC Timor Online, [konsulta 06-06-2020]).

Iha fulan-Setembru 1974, estudante lubuk ida ne’ebé ho ligasaun ba Casa dos Timores deside tiha atu fila hodi halo serbisu polítiku iha Timór. Sira hotu kaer knaar importante iha Governu dahuluk Repúblika Demokrátika Timor-Leste nian no iha Rezisténsia.

Antero Benedito da Silva mak hakerek-na’in ne’ebé halo estudu kle’an liu to’o oras ne’e kona-ba Casa dos Timores: Fretilin popular education 1973-1978 and its relevance to Timor-Leste today. Ph-D, pp. 56-73.

Imagem: Estudantes grupo Casa dos Timores, hanesan: Vicente Reis (Sahe), Dulce Cruz (Uewe), Justino Yap e António Duarte Carvarino (Mau Lear) (Knua Halibur Memória Sahe – Facebook)

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão /  Alterar )

Google photo

Está a comentar usando a sua conta Google Terminar Sessão /  Alterar )

Imagem do Twitter

Está a comentar usando a sua conta Twitter Terminar Sessão /  Alterar )

Facebook photo

Está a comentar usando a sua conta Facebook Terminar Sessão /  Alterar )

Connecting to %s