Programa rádiu Tuba Rai Metin

Iha komemorasaun Loron Nasionál Veteranu sira-nian, Prezidente Repúblika, Francisco Guterres ‘Lu Olo’, husu Konsellu Kombatente Libertasaun Nasionál atu grava lalais istória husi kombatente ida-idak. 

Prezidente hatete katak Timor-Leste lakon ona ema barak iha tempu ukun an no katak bainhira kombatente ida mate, rai ne’e lakon daudaun parte ida husi ninia istória koletiva.

Prezidente nia hahusuk di’ak tebetebes no merese katak instituisaun-arkivu sira no peskizadór sira ne’ebé foka ba istória kontemporáneu Timor-Leste nian sei prepara projetu istória orál ida relasiona ho kombatente sira.

Maibé to’o momentu ida-ne’e, iha ona gravasaun áudiu lubun ida ne’ebé ema seidauk esplora. Gravasaun áudiu sira-ne’e mak 154 programa no entrevista sira ne’ebé programa rádiu Tuba Rai Metin emite tiha. 

Tuba Rai Metin mak naran ne’ebé hili tiha ba programa ne’ebé Radio UNTAET sei emite tinan 2002. Programa ne’e halibur istória oioin husi timoroan sira entre tinan 1975 no 1999. Matthew Abud, produtór ida husi programa ne’e sei hakerek kona-ba programa iha-ne’e.  

USAid fó-entrega gravasaun sira-ne’e ba AMRT no instituisaun sira-seluk. Ema ne’ebé iha interesse bele hetan gravasaun sira iha plataforma Casa Comum ne’ebé Fundação Mário Soares harii tiha
Bazeia ba nota sira ne’ebé hakerek-na’in prepara tiha, AMRT sei prepara rezumu ho lia-portugés no lia-tetun. Casa dos Timores sei aumenta tan ho tradusaun ba lia-iinglés. (iha-ne’e)

(Imagem: USAID Timor-Leste Country Development Cooperation Strategy (CDCS) 2013-2018)

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão /  Alterar )

Google photo

Está a comentar usando a sua conta Google Terminar Sessão /  Alterar )

Imagem do Twitter

Está a comentar usando a sua conta Twitter Terminar Sessão /  Alterar )

Facebook photo

Está a comentar usando a sua conta Facebook Terminar Sessão /  Alterar )

Connecting to %s